كل سنة وموقع بص وطل طيب وبخير، وأنا بالنسبة لي يعني بص وطل ده بالنسبة لي ده بيتي وحاسس إني أنا بدأت موضوع التنمية البشرية أنا وبص وطل، وكان الناس تحمست للفكرة دي وحاسس إن انطلاقة حقيقية بتاعتي كانت بدأت من الموقع ده، فأنا مدين له بحاجات كتير قوي، طبعاً كلكم من زوار موقع بص وطل وبيمثل لكم حاجات كتير قوي، أنا بالنسبة لي بيمثل لي المكان اللي عن طريقه اتعرفت بكم، وعن طريق بص وطل أخدت حالة جميلة من التواصل ما بيننا، وبتبعتوا لي وبتعلقوا على المقالات عندي وأنا باعلق على التعليقات بتاعتكوا، فالحالة دي مش موجودة في أي وسيلة من وسائل النشر التانية اللي أنا نشرت فيها، يعني ده كان من أهم المميزات اللي كانت في تجربة نشري في بص وطل، فكرة إن فيه تواصل ما بينا إن فيه بنعلق على حاجات بعض وآراء بعض وناخد رأي بعض في حاجات، وأنا باعترف إن أنا أخدت خبرة كبيرة جداً من احتكاكي بالقراء والتعليقات بتاعتهم وبقرأ كل تعليق بدقة لأن موضوع التعليقات زي ما قلتلكوا مش موجود في أي وسيلة نشر تانية، فأهلا بكم في موقع بص وطل، وكل سنة وأنتم كلكم طيبين، وأنا سعيد إن الموقع ده بيجمعنا كلنا وبنشوف بعض كل أسبوع.


دكتور شريف عرفة
رسام كاريكاتير
كاتب ومحاضر في التنمية البشرية