باحيي قراء بص وطل وباشكرهم على مشاركتهم الفعالة معانا وباهنيهم لإنقضاء أربع سنين وبقول لهم وبقول للبرنامج كل سنة وأنتم طيبين إن شاء الله في تقدم مستمر وازدهار بإذن الله.

الحقيقة أنا لما اتعرض عليّ إن أنا أشارك في هذا الموقع بتاع بص وطل كنت سعيد جداً، لأن أنا عارف إن أد إيه دلوقتي الشباب بيدخلوا على النت وبيقروا وبيستفيدوا، وأنا الحقيقة كنت مبسوط إن أنا يعني أقدر أعمل حاجة للشباب وللناس في هذا المجال، أنا سعيد إن أنا باشارك في الموقع بتاع بص وطل، لأنه الحقيقة ده حاجة فعالة جداً وشايف إن المشاركة الحمد لله كويسة، وأنا كنت بصيت على الوقع قبل كده وعرفت أد إيه الناس بتشارك فيه، ودي حاجة جميلة جداً، وإن شاء الله في ازدهار مستمر.

بالنسبة للمجال بتاعي أنا الحقيقة اللي هو مجال السمنة، الميديا فيه بتساعد بطرق كتير جداً، ويمكن الميديا بيبقوا مؤثرين أكتر من الدكاترة نفسهم؛ لأن المشكلة مش مشكلة بس مريض سمنة بيروح لدكتور يتعالج، المشكلة مشكلة عادات وطباع وتقاليد واختلاف في نمط الحياة وتغير أدي بينا للدخول في السمنة، ونسبة السمنة بتزيد بمعدل 1 % في بلاد العالم كلها، وبتزيد في مصر جداً بمعدلات عالية، في بعض قطاعات المجتمع وصلت فيها السمنة إلى 70 %، فطبعاً الميديا بتقوم بدور مهم جداً وأنا باشجعه.

باحاول أنشر الوعي الطبي باحاول أغير الطباع الغذائية والطباع الحركية اللي يعني أدت لظهور هذا المرض وتفاقمه في المنطقة العربية وفي مصر بالذات ........

وباهنيكم مرة تانية وكل سنة وأنتم طيبين ........

دكتور/ محمد أبو الغيط
سكرتير الجمعية الطبية المصرية لدراسة السمنة، والأستاذ بالقصر العيني
وباشتغل في مجال السمنة بقى لي 25 سنة.