كل سنة وأنتم طيبين في العيد الرابع لبص وطل، أنا سعيد - صحيح التحقت بقى لنا حوالي سنة أو يعني داخلين وقربنا على سنة- كان وشنا حلو في بطولة الأمم الأفريقية في يناير واللي مصر فازت فيها بالبطولة الحمد لله والشكر لله، بأتمنى إن شاء الله العيد الرابع يبقى العيد الأربعين ونبقى موجودين دايماً وأبداً مع بعض.

بص وطل كل المتعة وكل الجمال وكل السعادة الحقيقة، كل الأخبار الرياضية والاجتماعية والسياسية والفنية، وكل الحاجات الطريفة وكل المسابقات وكل الانفرادات دائماً وأبداً بتيجي من بص وطل، عشان تاخد وجبة كاملة في المعلومات في الثقافة في الرياضة في كل شيء فقط عليك تدخل على الموقع عشان تعرف كل اللي بيحصل في العالم.

نتكلم في الكورة نتكلم في الرياضة نتكلم في الإجوال نتكلم في الأهداف نتكلم في الانتخابات دايماً وأبداً بناخد راحتنا في بص وطل، وبنتكلم بأمانة وبنتكلم بصراحة، صوتنا بيوصل لكم وصوتكم بيوصل لنا، عشان كده الحمد لله واصلين لبعض حابين بعض مصدقين بعض، دايماً يا رب بص وطل تكون بخير، دايماً أكون معاكم، دايماً تكونوا معايا، كل سنة وأنتم طيبين، كل سنة وبص وطل بخير، وإن شاء الله السنة الجاية نقول برضه: كل سنة وأنتم طيبين، للمتابعين، للمشتركين، للواصلين اللي معانا، وأيضا لبص وطل.


أحمد شوبير