كل سنة وبص وطل بصحة وخير وسلامة، كل سنة وهي بصة وطلة علينا، تجربتي معاها كانت تجربة هايلة جدا، كان نفسي طول عمري أوجه رسالة للناس كلها عن الفن التشكيلي، الفن التشكيلي اللي بالنسبة لكل الناس هو مجموعة من طلاسم، شوية ناس بتشخبط وبتتكلم عن اللامرئي واللامحسوس واللامفهوم واللاوعي، كنت محتاج إن يكون لي نافذة أقدر أوصل بها رسالة.

ببساطة إن الفن التشكيلي هو معاش يومي، الحاجة البسيطة اللي إحنا كنا بندرسها، الشيء اللي بيجملنا، واللي بنقف كل واحد فينا أدام المراية وكأنها لوحة يجمل في نفسه ويقرر إنه هينزل يقابل الناس بالوش الأجمل، وده الحل الافتراضي، كانت تجربتي مع بص وطل إني عملت محاور افتراضي إن فيه صديق ليه اسمه عمر، هو بيسألني كل الأسئلة الصعبة وأنا بحاول أجاوب عليها بكل بساطة من غير مصطلحات، مرة تانية كل سنة وبص وطل بخير وصحة.


مجدي الكفراوي
فنان تشكيلي